Ögmundur Markússon, Sandvík
ÖGMUNDUR MARKÚSSON
12395
Markús Jónsson hét bóndi í Sandvík 1703, 28 ára, og því fæddur um 1675. Faðir hans er þá hjá honum, Jón Valtýsson, 73 ára, þá fæddur um 1630. Kona Jóns er þar einnig: Ingveldur Hallvarðsdóttir, 41 árs, en ekki hefur hún getað verið móðir Markúsar. Bústýra Markúsar var Ragnhildur Ögmundsdóttir, 31 árs, hefur hann víst kvænzt henni um 1703. Sonur þeirra var Ögmundur, fæddur um 1703 eða 1704.
Jón Sigfússon segir, að Markús hafi verið kynjaður að norðan og verið sömu ættar sem Ólafur stiftamtmaður Stefánsson, hafi búið á Fossvöllum og átt geðveika konu, er þá hafi verið haldið að stafaði af gjörningum, fyrir því hafi hann flutzt austur yfir Jökulsá og Lagarfljót og keypt Helgustaði í Reyðarfirði og búið þar, verið stilltur maður, vel vaxinn og sterkur. Ef þetta væri að einhverju leyti satt, ætti Markús að hafa búið á Foss-völlum fyrir eða eftir 1703. Ef hann hefði verið þar fyrir 1703, þá hefði hann átt að vera kvæntur áður og misst þá konu fyrir 1703. En líklegast er, að hann hafi farið frá Sandvík í Helgustaði.
12396
a Ögmundur Markússon, f. um 1703 eða 1704, var stór maður og sterkur. Var drykkfelldur og þá svolamenni, en annars hæglátur, þótti fremur skrítinn, smámæltur. Hann erti oft upp Jón prófast Þorláksson, og voru þeir þó kallaðir kunningjar. Hann var aflamaður góður og stundaði vel sjó, en drukknaði síðast á Vatnsboðanum undan Karlsskála með 2 drengjum (svo segir Jón Sigfússon um hann). Hann hefur dáið fyrir 1777. Hann bjó á Helgustöðum 1762 (59 ára) með konu sinni, Ragnhildi Steingrímsdóttur (54 ára). Hún dó 1784. Þeirra börn þá: Steingrímur (28 ára), Árni (26), Ragnhildur (25), Sesselja (14), dó óg. bl. 1811, Rafn (12).
12397
aa Steingrímur Ögmundsson, f. um 1734, var eigi stór maður, en knappur vel, drykkfelldur. Voru svo margir af afkomendum Ögmundar. Hann var hreppstjóri. Kona hans var Arnleif Þorsteinsdóttir (f. um 1742), bl. Þau eru kölluð í kirkjubók „góðfræg hjón“.
12398
bb Árni Ögmundsson, f. um 1735, bjó í Stóru-Breiðuvík, átti Arnbjörgu, dóttur Stefáns í Stóru-Breiðuvík 12297, Jónssonar.
12399
cc Ragnhildur Ögmundsdóttir, f. um 1736.
12400
dd Rafn Ögmundsson, f. um 1750, er vinnumaður á Helgustöðum hjá Steingrími 1777.